الحلقة ١ من عبنبي جرّبها لك

VoiceStudio

قالوا: بديل مجاني لـElevenLabs، يشتغل على جهازك ويستنسخ صوتك… جرّبته بنفسي بالخليجي.

اللي جرّبته (على ماك M5، بدون إنترنت):
1) التركيب: 25 ثانية. وقريت سكربت التركيب قبل ما أشغّله: ما يطلب باسورد الجهاز ويتأكد إن الملف سليم، بس التطبيق مب موثّق من Apple.
2) الكلون: أول تجربة طلع خطأ لأن تسجيلي كان أطول من 20 ثانية. قصّيته لـ11 ثانية واشتغل.
3) الصوت شبهي فعلاً، بس العربي يتلخبط: من 16 أخذة بصوتي، 7 بس طلعت سليمة (حسب تفريغ Whisper).
4) السرعة: بالصوت الجاهز 7 ثواني كلام في 2.4 ثانية. بصوتي المستنسخ متوسط 10.6 ثانية.

الحكم: ⚠ يشتغل… بس. مجاني وعلى جهازك وصوته شبهك، بس العربي يبيله شغل، والموديل رخصته غير تجارية (CC BY-NC) — يعني ما ينفع لإعلانات شغلك.
💡 لو جرّبته: سجّل عينة من 10 لـ15 ثانية، وطلّع كذا نسخة واختار الأنضف. ولا تستنسخ صوت أحد بدون إذنه.

الأداة: github.com/debpalash/VoiceStudio (AGPL-3.0) · الموديل: OmniVoice من k2-fsa (CC BY-NC)
أي أداة تبيني أجرّبها لك؟ اكتبها في التعليقات 👇